Jubiläumslied der Jugendabteilung
Text von Engelline Kohlbacher
(Melodie: Auf der schwäbschen Eisenbahne)

Leeve Lü, wi seggt Jo "Moin" -
Dat Ji hier sünd deit uns frein,
Ji sünd kam'n uns to graleer
Un willn mit uns Geburtsdag fiern.

Denn Goode Trüll de fiert vandag,
wi sünd fiefunsöbentig Johr
un keen bietje old un krumm -
leeve Lü hier geit dat rund.

Achtuntwintig fung dat an,
do sä de een off anner Mann:
Bosseln maakt uns völ Pleseer,
nu mut een Vereen de her!

Eilers, Evers, Dirks un Lüken,
Leerhoff, Barkhoff un ok Wilken,
Upgant un Schottde kwem'n tosam,
so is Goode Trüll entstahn.

Un Goode Trüll de fiert vandag,
wi sünd fiefunsöbentig Johr
un keen bietje old un krumm,
kiekt uns an - wi sünd noch jung!

Goode Trüll wur langsam groter,
gung dat mennigmal ook poter,
se verloren noit de Mot,
Stapp för Stapp gung dat bargup.

Vandag sünd wi een grood Verein,
de noch mennig Johr sall bleihn,
wenn jedereen een bietje deit,
uns Goode Trüll noit unnergeiht!

Goode Trüll de fiert vandag,
wi sünd fiefunsöbentig Johr
un keen bietje old un krumm -
leeve Lü wi bliewen ok jung!